11 сентября 2026 г. 12:14
❌ Pepsi Uzbekistan энди 12-ўйинчи эмас! Компания ўзбек футболчиларини оёқости қилмоқда
Ўзини футбол мухлисидек тутаётган Pepsi Uzbekistan Ўзбекистон терма жамоаси аъзоларини ҳеч қандай сабабсиз судга берди. Гап Ўткир Юсупов, Ҳусайн Норчаев ва Диёр Холматов ҳақида кетмоқда. 2026 йил бошида Pepsi Uzbekistan ушбу уч футболчи билан шартнома тузган ва дастлабки тўловни амалга оширган. Учала футболчи биринчи видеоларга ҳам тушиб беришган. Жаҳон чемпионати яқинлашавергач футболчиларга бошқа сув ишлаб чиқарувчи компаниялардан кўплаб таклифлар бўлган. Бироқ шартномани ҳурмат қилган футболчилар уларни рад қилишган. Pepsi Uzbekistan эса кутилмаганда "футболчилар билан ишлаш фикридан" қайтади. Компания ҳеч қандай сабабсиз дастлабки тўловни қайтаринглар деб футболчиларга мурожаат қилади.
Жаҳон чемпионатидан олдин Pepsi Uzbekistan янги реклама роликларини эълон қилганди. Унда қопқоқ остидаги кодни юборсангиз 12-ўйинчи футболкасини ютиб олиш мумкинлиги айтилган. Жаҳон чемпионати вақтида ўзини ҳақиқий футбол мухлисидек тутган компания ҳозир футболчилар билан судлашмоқда. Бу шармандалик эмасми?
Суд ҳақидаги хабарни эшитган кўплаб футболчилар ва футбол жамоатчилигини Pepsi Uzbekistan компаниясига бойкот эълон қилишни режалаштирмоқда. Сиз бойкотга қўшиласизми?
@championatasia