Namangan viloyati maktabgacha va maktab ta'limi boshqarmasi/ RASMIY

Наманган вилояти ҳокими «Istiqbol Zamon Bolalari» хусусий мактаби фаолияти билан танишди Наманган вилояти ҳокими Шавкатжон Абдураззоқов Давлатобод туманида жойлашган «Istiqbol Zamon Bolalari» (IZB) хусусий мактабида бўлиб, таълим ташкилотида яратилган шароитлар, ўқув жараёни ҳамда халқаро ҳамкорлик доирасида амалга оширилаётган ишлар билан танишди. Мазкур таълим ташкилотида бугунги кунда 542 нафар ўқувчи таҳсил олмоқда. Уларнинг сифатли таълим олиши, хорижий тилларни чуқур ўрганиши, мустақил фикрлаши ва интеллектуал салоҳиятини ривожлантиришга алоҳида эътибор қаратилмоқда. Вилоят ҳокими мактабда ташкил этилган таълимий ва ижодий машғулотлар, спорт тўгараклари, хорижий тилларни ўқитиш жараёни ҳамда ўқувчиларнинг халқаро лойиҳалардаги иштироки билан яқиндан танишди. Куннинг яна бир муҳим воқеаларидан бири Жанубий Корея таълим муассасаси вакиллари билан ҳамкорлик меморандумларининг имзоланиши бўлди. Мазкур келишувлар таълим соҳасидаги халқаро алоқаларни кенгайтириш, ўқувчилар алмашинувини йўлга қўйиш, илғор тажрибаларни ўрганиш ва ўзаро манфаатли таълимий лойиҳаларни амалга оширишга хизмат қилади. Шунингдек, мактабда ташкил этилган Корея маданияти тақдимоти орқали меҳмонлар корейс халқининг урф-одатлари ва анъаналари билан танишди. Тадбир доирасида халқаро грант асосида мактаб қизлари учун ташкил этилган "WESP" лойиҳаси — пазандачилик маҳорати студиясининг очилиши ҳам муҳим воқеалардан бири бўлди. Ушбу ташаббус ўқувчиларнинг амалий кўникмаларини ривожлантириш, уларнинг ижодий салоҳиятини рўёбга чиқариш ва келажакдаги касбий қизиқишларини қўллаб-қувватлашга қаратилган. Бундан ташқари, ўқувчиларнинг Германияда ўтказиладиган халқаро олимпиадага тайёрлаган «Здоровый дом» лойиҳаси билан танишилди. Мактабнинг қўғирчоқ театри, дизайн йўналиши ва спорт машғулотлари бўйича фаолияти ҳам намойиш этилди. Таъкидлаш жоизки, IZB мактаби Беларусь, Россия ва Германиядаги таълим муассасалари, шунингдек, Буюк Британия ва Япония ташкилотлари билан ҳамкорлик алоқаларини ривожлантириб келмоқда. Бундай халқаро алоқалар ўқувчиларнинг билим ва кўникмаларини бойитиш, дунёқарашини кенгайтириш ҳамда замонавий таълим тажрибаларини ўқув жараёнига татбиқ этишда муҳим аҳамият касб этади. Тадбир якунида мактабнинг халқаро ҳамкорлигини янада кенгайтириш, таълим сифатини ошириш ва ўқувчилар учун янги имкониятлар яратиш масалалари юзасидан фикр алмашилди. Янги халқаро келишувлар ва таълимий ташаббуслар ёш авлоднинг ҳар томонлама камол топиши, хорижий тилларни пухта эгаллаши ҳамда халқаро миқёсда ўз билим ва салоҳиятини намоён этиши учун қўшимча имкониятлар яратишга хизмат қилади. Давлатобод тумани ҳокимлиги Ахборот хизмати Sayt | Telegram | Instagram | Facebook | X | YouTube

O‘zbekiston Respublikasi Bosh vazirining birinchi o‘rinbosari – ta’lim va ilm-fan vaziri Erkinjon Turdimov maktabgacha va maktab ta’limi yo‘nalishiga mas’ul rahbarlarning tizimida amalga oshirilayotgan ishlar, sohadagi mavjud holat va dolzarb masalalar, shuningdek, kelgusida bajarilishi lozim bo‘lgan ustuvor vazifalarga bag‘ishlangan taqdimotlari bilan tanishdi. Unda ta’lim tizimini rivojlantirish, maktabgacha ta’lim qamrovini kengaytirish hamda o‘quvchilarning bilim va ko‘nikmalarini xalqaro talablar darajasiga olib chiqish masalalari xususida so‘z bordi. Shuningdek, ta’lim jarayoniga zamonaviy yondashuvlarni joriy etish va pedagoglarning kasbiy salohiyatini oshirish yuzasidan fikr almashildi. O‘quvchilarning sifatli ta’lim olishi, xorijiy tillar va zamonaviy kasblarni puxta o‘zlashtirishi, mustaqil fikrlashi hamda olgan bilimlarini amaliyotda qo‘llay olishiga ham alohida e’tibor qaratildi. Bunda ta’lim mazmunini hayotiy ehtiyojlar bilan uyg‘unlashtirish, yoshlarni kelajakdagi kasbiy faoliyatga tayyorlash, ularning qiziqish va qobiliyatlarini erta aniqlash hamda munosib rivojlantirish uchun zarur imkoniyatlarni yaratish muhimligi qayd etildi. Taqdimotlar davomida har bir yo‘nalish bo‘yicha ustuvor vazifalarni aniq belgilash, ularning ijrosi yuzasidan amaliy takliflar ishlab chiqish va amalga oshirilayotgan ishlarning natijadorligini ta’minlashga qaratilgan yondashuvlarni kuchaytirish yuzasidan mas’ullarga tegishli topshiriqlar berildi. Bizni kuzating: ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart. O‘zbekiston Prezidenti birdaniga 5 ta kodeks va 6 ta qonunga o‘zgartirishlar kiritishni nazarda tutuvchi qonunni imzoladi. Bolaga zulm qilgan, unga jismoniy yoki ruhiy azob bergan har bir kimsa — u xoh ta’lim muassasasi xodimi bo‘lsin, xoh yaqin qarindoshi — javobgarlikka tortiladi. Bolaning o‘limiga sabab bo‘lgan jinoyatlar uchun berilgan jazo aslo yengillashtirilmaydi. Bundan buyon 14 yoshga to‘lmagan bolaga nisbatan jinsiy zo‘ravonlik sodir etgan shaxslarga 25 yilgacha ozodlikdan mahrum qilish yoki umrbod qamoq jazosi tayinlanadi. Bunday og‘ir jinoyatlar bo‘yicha javobgarlikka tortish muddatida cheklov bo‘lmaydi. Yosh bolaning xavfsizligi shart-sharoit yoki vaziyatlarga bog‘liq bo‘lishi mumkin emas. Bolalar hayoti, sog‘lig‘i, or-nomusiga tajovuz qilgan har qanday kimsa qat’iy jazodan qochib qutula olmasligini bilishi shart. — Насилие над ребёнком неприемлемо, а наказание должно быть суровым. Президент Узбекистана подписал закон, предусматривающий изменения сразу в 5 кодексах и 6 законах. Ответственность понесёт каждый, кто причинит вред и боль ребёнку: от сотрудников образовательных учреждений до родных, совершивших насилие. За любое преступление, которое повлечёт смерть ребёнка, не будет никаких смягчений. Отныне лицам, совершившим сексуальное насилие над ребёнком младше 14 лет, грозит до 25 лет или пожизненное заключение. Срока давности по таким преступлениям не будет. Безопасность ребёнка не может зависеть от обстоятельств. Каждый, кто посягнёт на жизнь, здоровье и достоинство детей, должен знать, что от строгого наказания он не уйдёт.

Namanganda pedagoglarning kasbiy rivojlanish mashg‘ulotlari boshlandi Viloyatdagi 719 ta tayanch maktabda pedagog xodimlarning kasbiy mahoratini oshirish, metodik kompetensiyalarini rivojlantirish hamda ta’lim sifatini yuksaltirishga qaratilgan Kasbiy rivojlanish kunlari (KRK) va Kasbiy rivojlanish soatlari (KRS) doirasidagi o‘quv mashg‘ulotlariga start berildi. Mazkur mashg‘ulotlar pedagoglarning kasbiy bilim va ko‘nikmalarini muntazam takomillashtirish, zamonaviy ta’lim metodikalarini o‘zlashtirish hamda ilg‘or pedagogik tajribalarni ommalashtirishda muhim ahamiyat kasb etadi. Jarayonlarga 285 nafar mentor jalb etilgan bo‘lib, ular 35156 nafar pedagoglarga fan va metodika yo‘nalishlarida amaliy ko‘mak ko‘rsatmoqda. Mashg‘ulotlar davomida samarali pedagogik yondashuvlarni o‘rganish, o‘zaro tajriba almashish va ularni ta’lim amaliyotiga tatbiq etishga alohida e’tibor qaratilmoqda. Kasbiy rivojlanish mashg‘ulotlari hafta kunlari va fan yo‘nalishlari kesimida tizimli ravishda tashkil etiladi. Xususan, dushanba kuni — ijtimoiy fanlar, seshanba kuni — filologiya, chorshanba kuni — tabiiy fanlar, payshanba kuni — aniq fanlar, juma kuni — xorijiy tillar, shanba kuni esa boshlang‘ich ta’lim va amaliy fanlar bo‘yicha mashg‘ulotlar o‘tkaziladi. Ushbu tizim pedagoglarning individual kasbiy ehtiyojlarini qo‘llab-quvvatlash, metodik hamkorlikni kuchaytirish va ta’lim jarayoniga zamonaviy yondashuvlarni keng joriy etishga xizmat qiladi. Namangan viloyati maktabgacha va maktab ta’limi boshqarmasi Axborot xizmati

Тўрақўрғон туманидаги 5-мактаб таълим кооперациясига бириктирилди Республика бўйича аграр таълим кооперациясига бириктирилган 13 та мактаблар қаторига Наманган вилоятидан ягона ушбу мактаб ҳам киритилди. Шунга кўра, муассасада табиий фанларни ўқитишга мўлжалланган вариатив ўқув режалари амалиётга татбиқ этилмоқда. Эндиликда амалиётни бажариш орқали табиий фанларни замонавий ҳамда чуқурлаштирилган тартибда ўргатиш имконияти яратилади. Болаларда амалий кўникмалар ва аграр соҳадаги замонавий билимлар интеграцияси шакллантирилади, уларнинг келажакда олий таълим ва мутахассисликка йўналтиришга пухта пойдевор қўйилади. Куни кеча мазкур лойиҳада фойдаланиладиган жиҳозлар мактабга етиб келди. Дастлабки босқичда 5-11-синф ўқувчилари учун табиий фанлар ҳафтасига қўшимча 3 соатдан чуқурлаштириб ўтилади. Кейинчалик билим даргоҳида иссиқхона барпо этиш, уй паррандаларидан иборат амалиёт жойлари ташкиллаштириш кўзда тутилган. Шунингдек, мактаб учун тажриба - ер майдонлари ажратилиб, ёшларга агроилмни сингдириш чоралари кўрилади. Муҳими, мазкур мактаб битирувчилари орасида аграр йўналишда олий таълим муассасаларида ўқишни давом эттириш истаги бўлса, уларни имтиёзли асосда институт ва университетларга қабул қилиш кўзда тутилган. Тўрақўрғон тумани ҳокимлиги Ахборот хизмати.