JizPI online | Jizzax politexnika instituti rasmiy kanali

Ayni paytda “Oliy ta’lim muassasalarida nogironligi bo‘lgan talabalar uchun qanday imtiyozlar bor?” mavzusida Oliy ta’lim, fan va innovatsiyalar vazirligi vakillari bilan ochiq chat bo‘lib o‘tmoqda. 🧑🏻‍🎓Suhbat davomida yaqinda OTTga o‘qishga kirgan nogironligi bo‘lgan talabalar uchun ta’lim olish jarayonida belgilangan imtiyozlar: 🔹Nogironligi bor talabalar uchun yotoqxonalarga joylashishda imtiyozlar; 🔹Nogironligi bor talabalar uchun ustamali stipendiya; 🔹Sizdan kelib tushgan boshqa savollarga ham javob beriladi. Ovozli chat qo‘shilish: 👉 https://t.me/huquqplus?livestream Facebook | Instagram | YouTube | Telegram

🎓 Prorektor va talaba-yoshlar uchrashuvi bo‘lib o‘tdi Jizzax politexnika institutida tashkil etilayotgan “Mustaqillik darslari” doirasida Ilmiy ishlar va innovatsiyalar bo‘yicha prorektor Jamshid Abdunazarov 1-bosqichga qabul qilingan talaba-yoshlar bilan uchrashdi. Uchrashuv davomida talabalarga institutning ta’lim imkoniyatlari, mavjud fakultet va kafedralar, ilmiy-tadqiqot laboratoriyalari hamda talabalar uchun yaratilgan shart-sharoitlar haqida ma’lumotlar berildi. Shuningdek, ilmiy-tadqiqot faoliyati, startap loyihalar, stipendiya tanlovlari, xorijiy grantlar, akademik mobillik va qo‘shma ta’lim dasturlari haqida batafsil tushuntirishlar berildi. Tadbirda Iqtidorli talabalarning ilmiy-tadqiqot faoliyatini tashkil etish bo‘limi boshlig‘i Asatulla Mustafaqulov hamda Xalqaro hamkorlik bo‘limi boshlig‘i Muhriddin Eshqulov ishtirok etib, talabalarga ilmiy faoliyat, xalqaro hamkorlik loyihalari va akademik mobillik dasturlarida ishtirok etish imkoniyatlari haqida ma’lumot berdilar. Uchrashuv yakunida talaba-yoshlar o‘zlarini qiziqtirgan savollar bilan murojaat qilib, mutaxassislardan batafsil javoblar oldilar. Mazkur uchrashuv yangi talabalarni institut hayoti bilan yaqindan tanishtirish, ularning ilmiy va innovatsion faoliyatga qiziqishini oshirish hamda xalqaro ta’lim imkoniyatlaridan samarali foydalanishiga ko‘maklashishga xizmat qiladi. 📱 @jizpi_online

🎨 “O‘zbekiston yoshlar nigohida” mavzusida rasmlar tanlovi o‘tkazildi Jizzax politexnika instituti Qurilish muhandisligi fakultetida talaba-yoshlarning ijodiy salohiyatini namoyon etish, ularda vatanparvarlik tuyg‘usini mustahkamlash hamda yurtimizda amalga oshirilayotgan bunyodkorlik va ijobiy o‘zgarishlarni yoshlar nigohi orqali aks ettirish maqsadida “O‘zbekiston yoshlar nigohida” mavzusida rasmlar tanlovi tashkil etildi. Tanlovda fakultet talabalari faol ishtirok etib, o‘z ijodiy ishlarida Yangi O‘zbekiston obrazi, ona-Vatanga muhabbat, milliy qadriyatlar hamda mamlakatimizda amalga oshirilayotgan keng ko‘lamli bunyodkorlik ishlarini o‘ziga xos badiiy uslubda aks ettirdilar. Rasmlarda zamonaviy shaharsozlik, obod qishloqlar, farovon turmush tarzi va yosh avlodning porloq kelajakka bo‘lgan ishonchi o‘z ifodasini topdi. 🏆 Tanlov yakunlariga ko‘ra: 🥇 1-o‘rin — 231-26 ARX guruhi talabasi Ubaydullayev Abror Farxodjon o‘g‘li; 🥈 2-o‘rin — Uzakulov Husniddin Aziz o‘g‘li; 🥉 3-o‘rin — Asatullayeva Sevinch Anvar qizi. Mazkur tanlov talaba-yoshlarning ijodiy salohiyatini rivojlantirish, ularda Vatanga muhabbat va milliy qadriyatlarga hurmat tuyg‘ularini yanada mustahkamlashga xizmat qildi. 📱 @jizpi_online

#tanlov “Ixtirochilik va ratsionalizatorlik” koʻrik-tanlovida qatnashing! Innovatsion rivojlanish agentligi tomonidan ixtirochilik va ratsionalizatorlik boʻyicha oʻtkaziladigan koʻrgazmalar doirasida navbatdagi koʻrik-tanlov eʼlon qilinmoqda. ✅ Tanlovning asosiy shartlari: - Oʻzbekiston Respublikasining 16 yoshdan 40 yoshgacha boʻlgan fuqarolari qatnashishi mumkin; - Aniq ixtiro, foydali model yoki ratsionalizatorlik taklifiga ega boʻlish hamda hududiy koʻrgazmalarda ishtirok etgan boʻlish lozim; - Tanlov 2 bosqichda (hududiy va respublika) oʻtkaziladi va respublika bosqichi gʻolibi boʻlgan 3 nafar ishtirokchi “InnoWeek – 2026” haftaligi doirasida aniqlanadi. ✅Hujjatlarni qabul qilish muddati: Arizalar elektron platforma (ixtiro.ilmiy.uz) orqali 2026-yil 25-avgustdan 25-sentabr soat 23:59 ga qadar faqat elektron shaklda qabul qilinadi. 📌 Eslatma: Tanlov natijalari va bosqichma-bosqich koʻrib chiqish maʼlumotlari ishtirokchilarning ixtiro.ilmiy.uz platformasidagi shaxsiy kabinetida aks etadi. 🌐 Batafsil 📱 @jizpi_online

“O‘zbekistonlik ekanligimdan faxrlanaman” mavzusida maqolalar tanlovi o‘tkazildi Jizzax politexnika instituti Sanoat texnologiyalari fakultetida talaba-yoshlarning Vatanga muhabbat, milliy g‘urur va daxldorlik tuyg‘ularini yuksaltirish, ijodiy fikrlash qobiliyatini rivojlantirish hamda yoshlar orasida vatanparvarlik g‘oyalarini keng targ‘ib qilish maqsadida “O‘zbekistonlik ekanligimdan faxrlanaman” mavzusida maqolalar tanlovi tashkil etildi. Tanlovda fakultet talaba-yoshlari faol ishtirok etib, o‘z maqolalarida O‘zbekistonning boy tarixi, milliy qadriyat va an’analari, ajdodlarimizning bebaho ilmiy-ma’naviy merosi, mamlakatimizda amalga oshirilayotgan bunyodkorlik ishlari hamda yoshlar uchun yaratilayotgan imkoniyatlarni keng yoritdilar. Shuningdek, ishtirokchilar Vatan ravnaqi va kelajagi uchun yoshlarning mas’uliyati, yurt tinchligi va taraqqiyotiga munosib hissa qo‘shish borasidagi fikr-mulohazalarini bayon etdilar. Tanlov doirasida taqdim etilgan maqolalar mavzuning mazmunan yoritilishi, mustaqil va ijodiy fikrlash, vatanparvarlik g‘oyalarining ifodalanishi, fikrlarning mantiqiy izchilligi hamda savodxonlik mezonlari asosida baholanadi. Eng mazmunli va ijodiy yondashuv asosida tayyorlangan maqolalar saralab olinib, faol ishtirokchilar munosib e’tirof etiladi. Mazkur tanlov talaba-yoshlarda “Men O‘zbekiston farzandiman va bundan faxrlanaman” degan yuksak tuyg‘uni yanada mustahkamlash, milliy o‘zlikni anglash, Vatan taqdiriga daxldorlik hissini kuchaytirish hamda bilim va salohiyatini mamlakat taraqqiyotiga safarbar etish tuyg‘ularini rivojlantirishga xizmat qilmoqda. 📱 @jizpi_online