11 сентября 2026 г. 12:20
🖼Фото · 3 шт.
Тошкентда янги миллий музей қурилмоқда
Тошкентда барпо этилаётган янги Ўзбекистон Миллий музейи 3,5 минг нафар ташриф буюрувчини қабул қилиш имкониятига эга бўлади.
Президент Шавкат Мирзиёев пойтахтда Халқлар дўстлиги саройи ва Миллий боғ яқинида барпо этилаётган янги Ўзбекистон Миллий музейи қурилишини кўздан кечирди.
Музейда Ўзбекистон тарихи ва маданиятига оид 10 мингга яқин ноёб экспонат намойиш этилиши режалаштирилган.
Президент музей фаолиятини халқаро даражага олиб чиқиш, жумладан, Франциянинг Лувр ва АҚШнинг Метрополитен музейлари билан қўшма лойиҳаларни йўлга қўйиш бўйича топшириқлар берди.
Шунингдек, музей биносининг 60 фоиз майдонини ўқув заллари, кутубхона ва реставрация лабораторияларига ажратиш белгиланган.
Масканда оилалар учун ресторанлар ва болалар майдончаларини ташкил этиш ҳам кўзда тутилмоқда.
Янги музейнинг умумий сиғими 3,5 минг кишилик бўлади.
Telegram I Facebook I YouTube I Instagram
11 сентября 2026 г. 12:09
🖼Фото
Лукашенко: уруш бўлмаслиги учун беларус армияси урушга тайёргарлик кўради
Беларусь бутун армиясининг жанговар шайлигини, ҳатто сафарбарлик даражасини ҳам текширмоқчи. Бу ҳақда мамлакат президенти Александр Лукашенко маълум қилди.
Беларусь армиясининг жанговар шайлиги тўлиқ текширилади. Жумладан, қўшинларнинг сафарбарлик даражаси ҳам баҳоланади. Бу ҳақда Беларусь президенти Александр Лукашенко маълум қилди.
«Армияни қайта кўриб чиқиш керак. Бунинг вақти келди. Бутун армияни текширамиз. Ҳатто сафарбарлик даражасигача», — деди Лукашенко.
Унинг таъкидлашича, бу чоралар мамлакат мудофаа қобилиятини баҳолаш ва урушнинг олдини олиш мақсадига қаратилган.
Шунингдек, Лукашенко ўғли Николай Лукашенко ҳозирда армиянинг энг оғир талаблар қўйиладиган бўлинмаларидан бирида хизмат қилаётганини айтди.
Telegram I Facebook I YouTube I Instagram
11 сентября 2026 г. 11:30
🎬Видео
Самарқандда “учар” ҳайдовчи пиёдаларни уриб юборишига бир баҳя қолди
Пиёдалар ўтиш жойидан йўлни кесиб ўтаётган фуқаролар бир неча сония ичида автомобил зарби остида қолиши мумкин эди.
Самарқанд шаҳрида “Malibu” автомобилини бошқарган ҳайдовчи пиёдалар ўтиш жойидан йўлни кесиб ўтаётган фуқароларни уриб юборишига бир баҳя қолди.
Ҳолатда ҳайдовчининг ҳаракати йўл ҳаракати хавфсизлиги талабларига қанчалик мос келгани савол остида қолмоқда.
Мазкур ҳолат юзасидан масъул ходимлардан муносабат кутиб қоламиз.
Telegram I Facebook I YouTube I Instagram
11 сентября 2026 г. 11:11
🖼Фото
Эрон баллистик ракеталар ишлаб чиқаришни қайта бошлади
The Wall Street Journal нашри АҚШ ва Яқин Шарқ расмийларига таяниб хабар беришича, Эрон ракета инфратузилмасига етказилган жиддий зарарларга қарамай, баллистик ракеталар ишлаб чиқаришни қайта бошлаган.
Маълум қилинишича, Эрон мавжуд компонентлардан фойдаланган ҳолда бир нечта ерости объектларида, жумладан Хожир ракета мажмуасида, суюқ ва қаттиқ ёқилғида ишлайдиган ракеталарни йиғмоқда.
Шунингдек, Теҳрон эҳтимолий янги зарбалардан ҳимояланиш мақсадида қўшимча ерости йиғув майдонларини барпо этмоқда.
Бироқ ишлаб чиқариш суръатлари ҳали урушдан олдинги даражага етмаган. Ҳозирги жараён асосан аввалдан захира қилинган компонентларга боғлиқ бўлиб қолмоқда. АҚШ ва Исроил зарбалари ракета ишлаб чиқариш учун зарур бўлган қатор саноат объектларига зарар етказгани ҳам хабар қилинмоқда.
Америкалик расмийлардан бирига кўра, Эрон Трамп билан июнь ойида дастлабки келишувга эришилганидан кейинёқ ракета ишлаб чиқаришни чекланган суръатда қайта бошлаган. Теҳрон ўша вақтда сулҳ узоқ давом этмаслиги мумкин, деган ҳисобда ҳаракат қилган бўлиши эҳтимол қилинмоқда.
Нашр қайд этишича, Эроннинг ракета дастурини тўлиқ йўқ қилиш АҚШ ва Исроил учун урушдаги асосий мақсадлардан бири бўлган. Бироқ ерости ва тарқоқ инфратузилма Теҳронга ракеталар ишлаб чиқариш салоҳиятини қайта тиклаш имконини бермоқда.
Telegram I Facebook I YouTube I Instagram
11 сентября 2026 г. 10:25
🖼Фото
Муҳаммад бин Салмон Трампдан ҳусийларга зарба беришни сўради — рад жавобини олди
Саудия Арабистони валиаҳд шаҳзодаси Муҳаммад бин Салмон 10 сентябрь куни АҚШ президенти Дональд Трамп билан икки марта телефон орқали мулоқот қилган.
Америка расмийларига таяниб хабар берган Axios нашрига кўра, бин Салмон Трампни Яман ҳусийларига қарши ҳарбий зарбалар беришга чақирган.
Бироқ Трамп Саудия томонининг бу таклифини рад этган.
Мазкур мулоқот Яман ва ҳусийлар масаласи бўйича АҚШ ва Саудия Арабистони позицияларида айрим фарқлар мавжудлигини кўрсатмоқда.
Telegram I Facebook I YouTube I Instagram
