Асланов билан футбол

Бунёдкорнинг Пахтакор дарвозасига киритган голига эътибор қаратинг — чап қанотда Бунёдкорнинг 13-рақамли футболчиси аутдан ташланган тўпни қабул қилишда рақиб хужумчиси Чинедунинг корпусига учмаяпти ва йўқотилган тўпни Фламариондан қайтариб олиб, тезликда ва курашда Алижоновдан ўтиб кетиб қийин вазиятдан голли пас бермоқда. Голни юқоридаги ҳаракатларни амалга оширган 13-рақамли футболчи бу 2009 йилда туғилган, миллий терма жамоада дебют қилишга улгурган марказий ҳимоячи Муҳаммад Хакимов бўлади. Ростан, Боруссияга яқин даража! Видеога яхшилаб эътибор қаратинг! Каналга аъзо бўлинг👉@futbolshouuz

Англияда машҳур мем бор - ким қоида бузса, "Эвертон" жазоланади, деган. Жуда кўп клублар ҳақида турли текширув, айбловлар бўлган, аммо ҳамманинг кўз ўнгида фақат "Эвертон" бир марта жазолангани, яъни очко олиб қўйилгани учун шунақа ҳазиллар пайдо бўлган. Бугун "Эвертон" эгалари клубни сотувга қўйгани ҳақида хабарлар чиқди. "Манчестер Сити"нинг айблари учун жазо қаттиқ бўлади шекилли ))) @aslanov_futbol

Яқинда Сэр Алекс Фергюсоннинг автобиографиясини қайта ўқиб чиққандим. Илгари эътибор бермаганим бир жиҳат диққатимни тортди. Фергюсон ўз мураббийлик фаолиятидаги баъзи учрашувлар ҳақида ҳикоя қилар экан, ўз жамоаси устунлигини ҳаддан ташқари бўртириб юборар экан. Мисол учун, 2013 йил ЕЧЛ нимчорак финалидаги "Реал"га қарши ўйин ҳақида ёзганда, "ўша ўйинда агар вазиятлардан фойдаланганимизда, биринчи таймдан кейин 5:0 ҳисобида олдинда бораётган бўлишимиз керак эди" деб юборган. Ёки "Олд Траффорд"да бўлиб ўтган "Манчестер Сити" (1:6) га қарши ўтган мудҳиш учрашув тафсилотларини айтиб берар экан, "аслида биринчи голни ўтказиб юборгунимизча, биз катта устунликка эга бўлаётгандик ва бемалол тўртта гол уришимиз керак эди" деб ёзади. Ўша ўйинларни томоша қилган инсон сифатида айтишим мумкинки, "Юнайтед"нинг устунлиги бу қадар бўлмаган, албатта, рақиблар ҳам етарлича имкониятга эга бўлганликлари эсимда. Фергюсон бошқа ўйинни кўрганми? Фергюсон ўйинларни бошқача кўрганми? Агар бу гаплар ўша ўйинлардан кейинги матбуот анжуманида айтилса, тушунса бўлади, мураббий бундай гаплар орқали шогирдларини руҳини кўтариш, уларга ишонч баҳш этиш учун бундай сўзлардан фойдаланади. Ёки ҳозир ҳам Фергюсон мураббийлик билан шуғулланаётган бўлганида, бошқа гап, бундай гаплар орқали, у ўз устунлигига урғу бериши мумкин. Аммо мураббий бунга мухтож бўлмаган пайтда бу гапларни ёзяпти, тўғрими? Демак гап шундаки, Алекс Фергюсон ўша ўйинлар пайтида ҳам ичидан шундай фикрлаган. Жамоаси "Реал" дарвозасига беш-олтита гол уриб ташлаши мумкинлигига ўзи ҳам ишонган. Балки Фергюсоннинг муваффақиятлари сири ҳам шундадир. Мураббий психолог бўлиши керак деймиз, аммо у ўзи гапираётган гапларига ўзи ишонса, шогирдларини ҳам ишонтириши, ҳис қилдиришини анчагина осонроқ кечиши шубҳасиз. @aslanov_futbol

LINEKS FORTE BILAN Sizning ichaklaringiz yaxshi holatda - Diareyani samarali bartaraf etadi - Ichak faoliyatini normallashtiradi Saytga kirish #reklama apteka.uz